اول يوم بالمدرسة

السلام عليكم و رحمة الله و بركاته
ابي اعرف اشسويتوا اول يوم بالمدرسة
بالنسة لي اختي ذكرتني تقول اخر الدوام كنت اصوت و اصيح و ابكي مثل المجنونة على بالي كنت ضايعة
كل الي اذكره ان في اول اسبوع غبت 5 ايام ورا بعض لان عيني كانت متورمة<نفاخة>
اما الحين كل مرة تبتدي السنة اررررررررررررتعب و احاتي شبسوي
لكن الخوف الي اعيشه اول يوم من الدراسة ماشي مقارنة بين يوم استلام الشهادات Crying or Very sad

ننتظر ردودكم

هههههههههه
طبعا انا وحده جلست من النوم
وصليت الفجر ولبست مريولي
لا وعشان انه اول يوم شوفي الساعه كم جلست
4الفجر 5 بدري مرررررررررره
بس الايام الثانيه اروع متاخر عادي مو مشكله
اخم شيء احجز المكان اللي ابيه
وبعدين البس عباتي واروح المدرسه
ههههههههههههههه
كل البنات يسووا كده
تحياتي : أعذب أحساس
سلام

عاد اول يوم و حجز الاماكن......كرسي ابوها الي جابها
البنات مايراعون الحقوق .....وحده نظرها ضعيف تنطم و تجلس ورا على شان البنات جاو قبل و احتلوا الاماكن....قهر والله
مشكورة على مرورك و انشالله ردك خضر علي على شان يردون باقي البنات

انا اقول اللي نظرها ضعيف او ما تسمع تستأذن البنات تقول لهم انا ابي اقعد قدام بسبب الظروف اللي قلتها ما اقبي البنات ما بيرضون يخلونها تجي قدام
انا ازيد شي يقهرني بنتين هذارين ومسوين ازعاج بالفصل وما يبون يوخرون عن بعض كل الفصل يتهزاء علشان هالبنتين